Një realitet që e përjetojmë çdo ditë
Kur kërkojmë për një biznes, gjëja e parë që bëjmë është të hapim Google, Safari ose rrjetet sociale. Nëse nuk e gjejmë dot aty, shpesh thjesht heqim dorë dhe shkojmë te konkurrenti. Dhe kjo është krejtësisht normale në ditët e sotme.
Pra, edhe pse prezenca online nuk është mënyra e vetme për t’u njohur, është padyshim më efikasja dhe më e përdorura. Në fakt, është bërë si “dera kryesore” e një biznesi, kalojnë njëherë në njohjen e tij online dhe më pas shndërrohen nga vizitorë të rastësishëm në klientë të vërtetë.
Si nisi prezenca online? Një rikthim i shkurtër në histori
Historia e prezencës online nuk filloi me Facebook-un apo Instagram-in. Ajo ka rrënjë shumë më të hershme. A e dinit se:
- Në vitet 1960–1980, nga ARPANET e deri tek emaili i parë dhe miratimi i TCP/IP, u hodhën bazat e internetit që përdorim sot.
- Në vitet ’90, shpikja e World Wide Web (WWW) dhe shfletuesve si Mosaic i ktheu kompjuterët në “dritare” për botën.
- Boston Computer Exchange (1982) konsiderohet si biznesi i parë online, një treg i kompjuterëve të përdorur që funksiononte përmes modemeve dhe linjave dial-up. I thjeshtë, por vizionar.
- Në vitet 2000, nis era e Web 2.0, me rrjetet sociale si Facebook, YouTube dhe më pas Instagram. Nga ky moment, prezenca online nuk ishte më opsionale. Ishte pjesë e pandashme e jetës sonë.
Sot, interneti nuk është thjesht një mjet, por është vendi ku jeton publiku yt. Dhe aty duhet të jesh edhe ti.
Çfarë do të thotë të kesh prezencë online?
E thënë thjesht: të të gjejnë lehtësisht. Është mënyra si shfaqesh, si perceptohesh dhe si ndërvepron në botën digjitale. Por ka dy pjesë në këtë lojë:
- Ajo që e kontrollon vetë (faqja jote, postimet e tua, informacioni zyrtar).
- Ajo që krijojnë të tjerët për ty (komentet, përmendjet, përmbajtja e gjeneruar nga klientët).
Elementet që i kontrollon vetë
Këto janë gurët e themelit të “shtëpisë” tënde online:
- Website, vendi ku klientët gjejnë gjithçka për ty.
- Rrjetet sociale, hapësira ku ndërton marrëdhënie dhe prezanton personalitetin e brandit.
- Përmbajtja digjitale, blogje, video, podcast-e, çdo gjë që ndan vlerë dhe të bën të dukshëm.
- Listimet online, Google Business Profile apo direktori të tjera që sigurojnë që të dhënat e tua janë të sakta dhe të aksesueshme.
Elementet që nuk i kontrollon vetë
Këto janë pak më delikate, por shumë të fuqishme:
- Komente dhe vlerësime, ku njerëzit i besojnë njerëzve; mendimet e klientëve të mëparshëm vlejnë më shumë se çdo reklamë.
- Përmbajtja e gjeneruar nga përdoruesit si foto, video apo postime që klientët ndajnë për ty. Një “reklamë falas”, por edhe një test i vërtetë i përvojës që ofron.
- Përmendjet në media si një artikull, një blog apo një influencer që flet për ty mund të të rrisë reputacionin në sekonda.
Pse është kaq e rëndësishme prezenca online?
- Krijon besim dhe kredibilitet. Në ditët e sotme, mungesa online është si mungesa e një adrese fizike.
- Shton dukshmërinë dhe audiencën. Biznesi yt bëhet i aksesueshëm 24/7, pa kufij gjeografikë.
- Ndihmon të komunikosh me klientët. Jo vetëm që flasin me ty, por ti mund t’u përgjigjesh, t’i dëgjosh dhe t’i afrohesh më shumë.
- Të dallon nga konkurrentët. Një profil aktiv dhe një faqe e mirë dizajnuar mund të bëjnë diferencën mes “po” dhe “jo” për klientin.
- Mbështet marketingun dhe shitjet. Kur njerëzit kërkojnë shërbimin tënd online, prezenca jote e mirëndërtuar është një ftesë e hapur për të blerë.
Pra, si mendon tashmë?
Të kesh prezencë online është domosdoshmëri. Është mënyra si hap derën për klientët, si ndërton besimin dhe si tregon historinë e biznesit tënd. Dhe e bukura është se ti mund ta formësosh këtë prani, ta bësh të ngrohtë, të thjeshtë dhe të vërtetë, ashtu siç është edhe vetë brandi yt.
Pra, herën tjetër që mendon nëse ia vlen të investosh kohë dhe energji për prezencën online, bëj një pyetje të thjeshtë: Po sikur klienti im i ardhshëm të më kërkojë sot në Google… a do të më gjejë?
“Digital Euphoria” kujdeset për çdo detaj të prezencës suaj online. Mjafton të na besoni dhe ne do të bëjmë pjesën tjetër për ju.
