Nëse sapo ke zbuluar një buton të çuditshëm që shkruan “Meta AI” në DMs e tua të Instagramit dhe nuk e ke idenë çfarë bën, mos u shqetëso, nuk je vetëm! Është një mik, asistent personal digjital, një inteligjencë artificiale që është gjithmonë aty për ty. Nuk e di çfarë të thuash? Nuk po të vjen asnjë ide në mendje? Mos u shqetëso, sepse ky element i ri në Instagram është pikërisht zgjidhja e këtyre problemeve.
Mirë se erdhe në epokën e asistentit digjital!
Meta, kompania e Instagram, Facebook dhe WhatsApp, ka menduar: “Pse të mos fusim një AI në bisedat e përditshme të njerëzve? Eshte e lodhshme te kalosh nga Instagrami në Google dhe ChatGPT, hajde t’ua bëjmë jetën më të thjeshtë.”
Dhe ja ku jemi sot, në DMs e tua, krahas atij shokut që të çon meme të çuditshme në 2 të natës, ke edhe Meta AI, që ka përgjigje për çdo gjë.
Çfarë është Meta AI?
Meta AI është një asistent digjital inteligjent që mund t’u pergjigjet pyetjeve, të sugjerojë ide, të shkruajë tekste, të krijojë imazhe dhe t’i japë kuptim edhe atyre mesazheve të çuditshme që ndonjëherë dërgon pa i menduar.
Por ndryshe nga shokët që të japin përgjigje si “nuk e di, shikoje vetë”, Meta AI është gjithmonë aty për ty.
Shembuj praktikë
1. Të duhet një përshkrim për postim?
Po pi një kafe te shijshme dhe thua: “Duhet ta postoj këtë në Instagram!” Por s’e di çfarë të shkruash që të përcjellë më së miri atë që ti ndjen.
Futu në DM dhe shkruaj: “@Meta AI, më shkruaj një caption për një kafe të bukur në mëngjes.”
Dhe voilà! Në vend që të shkruash “kafe ☕️” si zakonisht, do të kesh një përshkrim që duket sikur e ka shkruar një poet, Bukur, apo jo?
2. Po bën plane me miqtë?
Dikush në grup thotë: “Ku do të dalim sonte?” Ti s’ke ide, por nuk do të dukesh i painteresuar. Shkruan:
“@Meta AI, sugjero 3 vende cool në Tiranë për të dalë sonte.”
Dhe ja ku ke propozime që me shumë siguri do të kënaqin të gjithë pjestarët e grupit.
3. Do të dërgosh një sticker të veçantë?
GIF-et janë bërë shumë të bezdisura? Sticker që t’i dërgon shoqëria, por ti asnjëherë? Po pse të mos krijosh një të veçantë të personalizuar?
Edhe kjo e ka një zgjidhje: “@Meta AI, krijo një imazh të një maceje që pi kafe me syze dielli.”
E merr imazhin direkt dhe e dërgon. Nëse nuk merr përgjigje “Hahaa kjo është super”, atëherë faji s’është i yti, është mungesë humori nga personi tjetër.
Po pse është kaq “i rëndësishëm” ky element?
Sepse jetojmë në 2025 dhe njerëzit janë të zënë duke bërë multitasking, duke folur, duke kërkuar informacione, duke bërë screenshot e duke menduar për darkën (sidomos shqiptarët). Meta AI t’i bën të gjitha këto në një vend.
Ti nuk ke më nevojë të dërgosh një screenshot nga Google në bisedë, tani përgjigja është aty, në bisedë.
E vërteta e “hidhur”
Ndryshe nga shumë miq që i ke në listën e ndjekësve, Meta AI nuk kërkon ndjekës mbrapsht dhe mbi të gjitha, nuk e vret mendjen nëse po e lodh me pyetje.
Mund ta pyesësh për gjithçka:
- Sa kalori ka një hamburger?
- Si të hartoj një email për aplikim pune?
- Sa është kursi i këmbimit për dollarin?
- Sa orë duhet të fle që të zgjohemi me energji pozitive në mëngjes?
Çfarë mund të bësh me Meta AI?
Kërko informacione direkt në bisedë
Shoku të dërgon një video ku një tip flet për “intermittent fasting”. Nuk kupton asgjë. Në vend që të futesh në YouTube apo të ndjekësh një trajner nga TikTok, pyet: @Meta AI, çfarë është intermittent fasting dhe a funksionon vërtet? Menjëherë e merr përkthimin, shpjegimin dhe një opinion neutral.
Sugjero mesazhe
Ke harruar ditëlindjen e shoqes së ngushtë? Pse të lodhesh vete? “@Meta AI, shkruaj një urim të bukur ditëlindjeje për një mike të ngushtë.”
Dhe ja ku e ke, një mesazh që e bën të ndihet mirë dhe e vlerëson akoma dhe më tepër shoqërinë me ty.
Krijo përmbajtje unike
Po mendon për një story që të jetë pak kreative? Shkruaj “@Meta AI, krijo një imazh të një maceje që shikon perëndimin nga një dritare.”
Tani, në vend që të postosh një foto tjetër nga Tirana me një filter tipik, do të postosh diçka që s’e ka parë askush tjetër.
Po nëse nuk më duhet?
Meta AI është një mjet praktik, argëtues. Edhe nëse nuk e përdor çdo ditë, e di që është aty. Dhe nuk është e thënë që të jesh ekspert teknologjie për ta përdorur. Mjafton të shkruash siç do t’i flisje një shoku:
- “Më ndihmo të bëj një bio të bukur për profilin tim.”
- “Më jep disa tituj librash që do të më ndihmojnë në rritjen e vetëbesimit.”
- “Disa teknika relaksimi perpara nje prezantimi që të mos të më kapë ankthi.”
E ardhmja?
Po, Meta AI është këtu. Jo vetëm për të të ndihmuar të dërgosh sticker-a të personalizuar, por edhe për të:
- Përmirësuar mënyrën se si komunikon.
- Krijuar përmbajtje që të dukesh “cool”.
- Kursyer kohë dhe stres për veten.
Në vend që të kalosh nga një aplikacion në tjetrin, tani gjithçka ndodh aty ku je, në bisedën tënde, në kohë reale.
Dhe fundja fare…
Pse të mos e provosh? S’do të humbësh asgjë. Nëse nuk të pëlqen, Meta AI nuk të thotë “U mërzita me ty”. Por nëse të pëlqen, ke fituar një asistent virtual që punon pa orar dhe ka gjithmonë zgjidhjen gati.
Nëse do të qëndrosh i perditesuar me gjithçka që po ndodh në botën digjitale, fillo sot me Meta AI në Instagram DMs. Eksperimentimi është falas dhe plot me ide të zgjuara.
Ky është në fakt një artikull që kujtdo do t’i hynte në punë, madje edhe mamave tona që na pyesin “Çfarë do të të bëj për të ngrënë sot?” në bisedat e Instagramit (jam e sigurt që edhe ty të ndodh). Kështu që prandaj, meqë ofrohet si opsion, pse të mos e përdorësh dhe të marresh përgjigje për pyetjet që ke?
Për artikujt më interesantë mbi zhvillimet teknologjike, marketingun digjital, lexoni artikuj të ngjashëm në “Digital Euphoria”.
