Gjatë punës time si profesionist i marketingut dixhital, më ka ndodhur që klientët të më pyesin:
“Kam dëgjuar për strategjitë e reja të marketingut? SEO, AEO, GEO dhe SEM? Çfarë janë?”
Në fillim, këto terma mund të duken si diçka teknike që vetëm “ekspertët” e kuptojnë, por e vërteta është komplet ndryshe. Nëse do që biznesi yt te rritet online, këto janë strategjitë që të hapin dyert drejt audiencës tënde.
SEO, si të të gjejnë klientët pa paguar reklama?
SEO (Search Engine Optimization) është thjesht procesi i optimizimit të faqes tënde, kur dikush kërkon në Google për atë që ti ofron, të të gjejë ty dhe jo konkurrentin. Është si të kesh një dyqan në një rrugë kryesore. Sa më i dukshëm të jesh, aq më shumë njerëz do të hyjnë brenda.
Si e bëj unë SEO për klientët e mi?
- Sigurohem që faqja të jetë e shpejtë dhe e lehtë për t’u përdorur.
- Përdor fjalët kyçe që klientët potencialë kërkojnë.
- Ndërtoj besim përmes lidhjeve nga faqe të tjera të besueshme.
- Optimizoj gjithçka për kërkimet lokale, që bizneset fizike të dalin para konkurrentëve në zonë.
AEO, të jesh përgjigjja e parë!
AEO (Answer Engine Optimization) është hapi tjetër pas SEOs. Nuk mjafton të jesh në faqen e parë të Google. Me AEO mund të jesh përgjigjja e saktë që Google tregon menjëherë. Kjo është veçanërisht e vlefshme sot, kur shumë njerëz përdorin kërkimin me zë dhe duan përgjigje të menjëhershme.
Shembull:
Nëse dikush pyet “Si të përgatis një kafe të ftohtë?”, Google mund të tregojë direkt një pjesë të faqes sate pa pasur nevojë që përdoruesi të klikojë diku tjetër. Kjo të vendos ty në qendër të vëmendjes.
GEO, kur vendndodhja bën diferencën
GEO (Geolocation Optimization) është për bizneset që duan të lidhen me klientët në një zonë të caktuar.
Më ka ndodhur shpesh me klientë lokalë: kur optimizon për vendndodhje, jo vetëm që rrit trafikun, por edhe cilësinë e tij sepse njerëzit që të gjejnë, janë ata që vërtet mund të blejnë.
Si ta përdorim GEO?
- Përdor fjalë kyçe që përfshijnë emrin e qytetit ose lagjes.
- Vendos biznesin në Google Maps dhe platformat lokale.
- Krijoj përmbajtje që lidhet me komunitetin lokal.
SEM, rezultate të menjëhershme përmes reklamave
SEM (Search Engine Marketing) është si një “rrugë e shkurtët” drejt klientit, pasi paguan për t’u shfaqur menjëherë në krye të rezultateve të kërkimit.
Ndryshe nga SEO që kërkon kohë, SEM mund të sjellë trafik dhe shitje brenda ditës.
Shembull praktik:
Kur kemi punuar me një biznes udhëtimesh, përdorëm Google Ads për të dalë në krye për frazën “pushime në Turqi”. Rezultatet erdhën menjëherë, telefonatat dhe rezervimet nisën që në orët e para të fushatës.
Si lidhen me njëra-tjetrën?
- SEO dhe AEO janë organike dhe ndërtojnë një prezencë të qëndrueshme.
- GEO të lidh me klientët lokalë.
- SEM të sjell rezultate të shpejta përmes pagesës.
Në përvojën time, kombinimi i tyre është “sekreti” i suksesit online. Çdo strategji ka rolin e saj dhe, kur punojnë së bashku, efekti shumëfishohet.
Mesazhi ynë për ty!
Mos i shiko këto si terma të ndërlikuara, shikoji si mjete ndihmuese në rritjen e biznesit tënd.
Kur i përdor në mënyrën e duhur, SEO, AEO, GEO dhe SEM nuk janë thjesht teknika. Ato janë ura që të çojnë drejt klientëve që po të kërkojnë tani, sot.
Për më shumë informacione të tilla, ju ftojmë të lexoni artikujt tona!
Për shërbime të marketingut digjital që ju ndihmojnë për të rritur vizibilitetin e sipërmarrjes suaj, na kontaktoni!
